.

enenenen

 

 

OPINA 8. O´DONNELL & TUOMEY “Patios, tixolos e caixas”

May 24th 2013
No Comments
responder
trackback

Sempre que hai unha conferencia de algún arquitecto na escola fago ver aos alumnos o interese que pode ter para as súas procuras, destacando sobre todo que estean alerta para que o arquitecto invitado explique a súa obra dende o seu proceso de proxecto, para que avalíen si o que di e o que fai están relacionados. Este é o reto cando invitamos a alguén a dar unha conferencia, e poucas veces o reto se asume, case sempre o invitado describe a obra e non afonda nas etapas e decisións que tomou durante o seu proceso proxectual, e menos nos erros e acertos que atopou nese camiño.

Semella que os arquitectos temos por formación considerar o resultado final como experiencia definitiva dunha obra construída ou simplemente proxectada, e non tanto a pausa para preguntarnos como traballamos, cales son os pasos que damos e os erros que cometemos para melloralos.

Nunha escola de arquitectura e para un alumno, desentrañar de onde xorden os conceptos e como se transforman en ideas, é fundamental para a súa aprendizaxe. E con esta reflexión, que sempre me acompaña ao escomezo de tódalas conferencias, fomos a escoitar a Sheila O´Donnell. A súa conferencia “Patios, ladrillos e caixas” usa a as súas procuras, obsesións e intereses, ofrecéndonos pequenos fragmentos da vida que acompaña á produción dos proxectos, de xeito que humaniza o proceso proxectual no tempo. As procuras que achega a traverso das montaxes para a bienal de Venecia articulan un discurso enriquecido polos lugares nos que se atopa no intre de pensar, de recoller datos, elaboralos, e probar alternativas.

Temos que dar as grazas a Sheila por esta delicada exposición, por traernos algo das paisaxes nas que se move con John Tuomey, e por amosarnos que con independencia do resultado, a arquitectura é unha experiencia que pertence a un lugar, a un tempo e a os seus usuarios.

CAIXAS

Courts, Bricks & Boxes 1. O´DONNEL&TUOMEY from edicions espontaneas on Vimeo.

PATIOS

Courts, Bricks & Boxes 2. O´DONNEL&TUOMEY from edicions espontaneas on Vimeo.

TIXOLOS

Courts, Bricks & Boxes 3. O´DONNEL&TUOMEY from edicions espontaneas on Vimeo.


, , , , , , , , ,

Sen comentarios

Envia un comentario:

OPINA 8. O´DONNELL & TUOMEY “Patios, tixolos e caixas”

EE funciona bajo Wordpress. Theme unstandard modificado y traducido por pgfernandez.es